Presidenti i Shqipërisë, Bajram Begaj, ka dekretuar emërimin e Gjeneral Majorit Arben Voka Kingji, në detyrën e Shefit të Shtabit të Përgjithshëm të Forcave të Armatosura.

Me këtë emërim, Arben Vokës i është akorduar grada “Gjeneral Lejtnant”.

Gjeneral brigade Arben Kingji kishte drejtuar Forcën Tokësore të FA dhe më herët ka mbajtur detyrën e komandantit të Batalionit të Mbështetjes në Shtabin e Përgjithshëm të Forcave të Armatosura. Ai ka ushtruar edhe detyra të tjera si ajo e atasheut ushtarak të Republikës së Shqipërisë në Rumani.

Me herët ai ka qenë edhe komandant i Policisë ushtarake.

Ka kryer Kursin e Shtabit të Përgjithshëm në Akademinë e Mbrojtjes në Tiranë. Po ashtu, gjeneral brigade Kingji ka mbajtur detyrën e komandantit të kontingjentit në disa misione në Afganistan e Irak.

Për kontributet e tij në Forcat e Armatosura, gjeneral brigade Arben Kingji është nderuar me disa medalje. Ai mban edhe medaljen e Artë të Shqiponjës, dhënë nga Presidenti i Republikës./Arbresh.info/